|
|
|
|
|
|
|
|
|
Nivîsekê bişîne
   
 
C. Robarî
Ez ne serok û paşe me

 

 

   

                             C. Robarî

                     

Ez ne serok û ne paşe me

Û ne jî wezîr û mele me

Ez keçek Kurd, evîndara welatê xwe me

                                            *

Ez ne beg û ne axe me

Û ne jî xwedî zevî û fabrîke me

Ez keçek Kurd, şervana welatê xwe û gerîla me

                                            *

Ez ne xwedî milk û seremaye me

Û ne jî bazirganê tiştên qedexe me

Û ne jî xwûnmij û stemkar û çete me

Ez keçek Kurd, evîndarê Kurdistan û pêşmerge me

                                            *

Derdê min lo delal, ne mêr û pere ne

Derd û kêşa min serfiraziya xwediyê min û tene

Û hemû Kurdên bindest û tevê ez û tene

Bawerke heval, jiyana bê azadî derew û fen e

Dijmin dixwaze wisa ji xwe re bi me biken e

                                            *

Ez ne serok û ne paşe me

Û ne jî wezîr û mele me

Ez keçek Kurd xwende û zane me

Li hemû qadan, ez bi çek û pênûsa xwe amede me

Û serfiraz û azadim di axa xwe de

Ger tu jî wek min, xwedî wisa derd e

Ez ji niha de, par û evîndara te me .. te me.

 

22 - 02 - 2016


   

 

 

C. Robarî3184

 

Berpirsîyar û karê teknîkî
Redaksîyon
Bahzad Shamsany
Yilmaz Yildiz
Copyright © 2005 bahzani.net
bahzani.kurdi@gmail.com