|
|
|
|
|
|
|
|
|
Nivîsekê bişîne
   
 
Şêrzad zeynelabidîn
Helbest , li gel rêz û silavên gerim

Halê me Kurdan


Werin guh biden halê me Kurda
Çima dimînin bê milk û mewda?

Bo çî bi tinê em hosa di jarîn?
Terra û berrayên her çar kenarîn

Ne tev di nezan û bê milk û halin
Lê di kes perist û bo para dikalin

Heyfe tu bi kujî biray bo para
An tu bi girnijî bo Kurd neyara

Ger çî em Kurd hêşta ho mayne
Li ber bayê xelkî em qirş û kayne

Nehezên yektir dujmin perêsîn
Hirya me xave xelet di rêsîn

Yê ku me bi vêtin her mafê meye
Ma ji bilî rastiyê  ma çi  heye?

Duhok û Amed, Efrîn û Sine
Bextê dujminî heftê û heft kune

Ku jêk vekirin çar xwîşk û bira
Yêl me diherêfin tev rêk û pira

Ma kes nemaye li evê cîhanê?
Piçek bi wîjdan neket ziyanê

Carek binêrît  halê me Kurda
Herdem li me şeve tarî bi serda

Ji Helebçe rabûn hawar û fîxan
Amed di nalît ji tuxmê Xaqan

Serdeşt û Bane herêt ken gazî
Kurdîn hûn rabin herin li pey Qazî

Qamîşlo Efrîn mane birîndar
Ji dest nemerdî rûviyê xeddar

Qed çi bawerî mi bi Kurda nîne
Carek bi bin êk ne bên yê dîne

Piştî mi dîtîn Enfal û kuştin
Zarok û landik hatîne sohtin

Em jêk belav bûyn hatîn bişaftin
 Ber sir û serma nahên nixaftin

Hind jî bi saxî birin bin axê
Hêşta Kurd piçek naden xo zaxê

Çima nabin êk bi ken xebatê?
Bo serxwebûnê rêka necatê.

Dîwana : Ji kûraitya xemên bê deng
 
06/01/2005

 


   

 

 

Şêrzad zeynelabidîn3740

 

Berpirsîyar û karê teknîkî
Redaksîyon
Bahzad Shamsany
Yilmaz Yildiz
Copyright © 2005 bahzani.net
bahzani.kurdi@gmail.com