|
|
|
|
|
|
|
|
|
Nivîsekê bişîne
   
 
Li Kopenhagenê rejima Îranê hat şermezar kirin

 

Bi amadekarîya Federasyona Komelên Kurd li Danîmark (FKKD), duh (12.09.2017) li ber Sefareta Îranê li bajarê Kopenhagenê xwepêşandanek protestoyî hat li dar xistin.

13 Eylül 2017 Çarşamba 15:53
 
 
 
 
 
Bi amadekarîya Federasyona Komelên Kurd li Danîmark (FKKD), duh (12.09.2017) li ber Sefareta Îranê li bajarê Kopenhagenê xwepêşandanek protestoyî hat li dar xistin. 

Xwepêşandêr di demjimêr 16.00 de li ber Îstasyona Trênê a ”Svanemøllen Station” li hev kom bûn û bi Alên Kurdistanê û bi pankartan di bin çavdêrîya polîsan de ber bi Sefareta Îranê ve bi rê ketin.  

Piştî gihiştina ber Sefaretê, sirûda netewî ”EY Reqîb” hat xwendin û wepêşandêran bi sloxanên kurdî, danîmarkî, îngilîzî û farisî rejima Îranê a kevneperest ji ber zilm û zora wê a li dijî gelê kurd li Rojhilatê Kurdistanê û bi taybet jî şehîdkirina Kolberên kurd mahkûm û şermezar kirin.

Li ber Seferatê axaftinên bi kurdî û danîmarkî hatin kirin û bahsa rewşa Kolberan û bi giştî jî rewşa gelê kurd li Rojhilatê Kurdistanê hat kirin û rejima melayan hat şermezar kirin. Bang ji bo welatê Danîmark, Yekîtîya Netewan (YN), Yekîtîya Ewropa (YE) û tevaye tevgera demokrat û aşîtîxwaz li cihanê hat kirin ku li dijî vê zilma rejima Îranê bê deng nemînin û ji bo bidawîbûna vê hovîtîyê zextê li Îranê bikin.

Xwepêşandanê heta demjimêr 17.30 dewam kir.  

Wek ku tê zanîn berîya çend rojan rejima Îranê dîsan du Kolberên kurd li ser sînorê Rojhilat û Başûrê Kurdistanê şehîd kiribûn û xelkê Banê derketibû kolanan û rejim protesto kiribûn. Di encama van xwepêşandanan de gelek kes birîndar bûbûn û gelek kes jî hatibûn binçav kirin. Piştî vê yekê li gelek bajarên din ên Rojhilatê Kurdistanê jî xelk rabû ser xwe, piştgirî li xelkê Banê kir û li dijî rejimê serî hilda.

Heta niha zêdeyî 45 Kolber ji alîyê rejimê ve hatine şehîd kirin û zêdeyî 130 kes jî birîndar bûne.

Yilmaz Yildiz

Kopenhag

13.09.2017



   

 

 

3887

 

Berpirsîyar û karê teknîkî
Redaksîyon
Bahzad Shamsany
Yilmaz Yildiz
Copyright © 2005 bahzani.net
bahzani.kurdi@gmail.com