|
|
|
|
|
|
|
|
|
Nivîsekê bişîne
   
 
Nêçîrvan Barzanî: Mam Celal hemû temenê xwe ji bo Kurdistanê derbas kir

 

Ji aliyê RÛDAW 06.10.2017
 
Serokwezîrê Herêma Kurdistanê Nêçîrvan Barzanî

Silêmanî (Rûdaw) – Serokwezîrê Herêma Kurdistanê Nêçîrvan Barzanî ragihand, ku beşdariya xelkê ya bi vê şêweyê bo merasîma koça dawî ya Mam Celal, nîşaneya wefadariya xelkê ye bo wî serkirdeyê ku hemû temenê xwe ji bo Kurdistanê derbas kiriye.

 

Serokwezîrê Herêma Kurdistanê Nêçîrvan Barzanî di merasîma cenazeyê Mam Celal de ji Rûdawê re ragihand, beşdariya xelkê ya bi vê şêweyê bo merasîma koça dawî ya Mam Celal, nîşaneya wefadariya xelkê Kurdistanê ye bo cenabê Mam Celal ku ji xortanî ve temenê xwe bo xebata ji bo gelê xwe terxan kir.

 

Nêçîrvan Barzanî herwiha diyar kir, ku Mam Celal zilamekî gelek mezin bû, di amadenebûna wî de pêvajoya siyasî li Iraq û Kurdistanê ber bi rewşeke din ve çû, lê Mam Celal nemir e û di dilê hemû Kurd û têkoşeran de dê bimîne.

 

Serokwezîr Nêçîrvan Barzanî aşkere kir, dema ku bîr li xebat tê kirin, Mam Celal tê bîra mirov, koça dawî ya wî cihê xemgîniyê ye û nayê tijekirin.

 

Barzanî sersaxiya binemala Mam Celal û xelkê Kurdistanê û Pêşmerge xwest.

 

 

Celal Talebanî, Nêçîrvan Barzanî û Hunermend Zahîr Celal

 

http://www.rudaw.net/kurmanci/kurdistan/0610201710


   

 

 

3920

 

Berpirsîyar û karê teknîkî
Redaksîyon
Bahzad Shamsany
Yilmaz Yildiz
Copyright © 2005 bahzani.net
bahzani.kurdi@gmail.com