|
|
|
|
|
|
|
|
|
Nivîsekê bişîne
   
 
Li parlamentoya Tirkiyê nîqaş li ser ‘Kurdistanê’ derket

 

Ji aliyê RÛDAW 13-12-2017
 
Osman Baydemir

Navenda Nûçeyan – Berdevekê Partiya Demokratîk a Gelan (HDP) Osman Baydemîr di parlamentoya Tirkiyê de got: “Ez weke parlamenterekî ji Kurdistanê hatime daxwaza min ew e ku ev der bibe banê hevbeş ê tirk û kurdan.” Li ser vê yekê parlamenterên AK Partiyê bertekên xwe nîşan dan.

 

Parlamenterê HDPê yê Rihayê Osman Baydemîr di rûniştina derbarê budçeyê de got, divê parlamentoya Tirkiyê hemû kesan hembez bike û wiha domand: “Ez weke kesekî kurd, nûnerekî ji Kurdistanê hatime û daxwaza min ew e ku ev der bibe banê hevbeş ê tirk û kurdan.”

 

Dema peyva Kurdistanê ji devê Osman Baydemîr derket parlamenterên AK Partiyê hers bûn û nerazîbûna xwe diyar kirin.

 

Wekîla Serokê Parlamentoya Tirkiyê Ayşenur Bahçekapilî jî ji Baydemîr pirsî “Kurdistan li ku ye?” Parlamenterê kurd Baydemîr jî destê xwe danî li ser dilê xwe û got: “Kurdistan ev der e.”

 

Ayşenur Bahçekapilî bi tundî ji Baydemîr re got: “Tu ne parlamenterê Kurdistanê yî, tu parlamenterê Rihayê yî.”

 

Li gorî yasayên Tirkiyê hêj navê Kurdistanê li wî welatî qedexe ye. Herwiha Tirkiyê qedexe kiriye, ku berpirsên hikûmetê û parlamanter peyva Kurdistanê bi kar bînin.


Li Tirkiyê ji bo Bakurê Kurdistanê û deverên kurdî, peyvên rojhilat û başûr-rojhilat tê bikaranîn.

 

(A.B)

 

Vîdeo: http://www.rudaw.net/kurmanci/middleeast/turkey/131220174


   

 

 

4043

 

Berpirsîyar û karê teknîkî
Redaksîyon
Bahzad Shamsany
Yilmaz Yildiz
Copyright © 2005 bahzani.net
bahzani.kurdi@gmail.com