|
|
|
|
|
|
|
|
|
Nivîsekê bişîne
   
 
Serokê parlamentoyê dest ji kar berda

 

Ji aliyê RÛDAW 26.12.2017
Yûsuf Mihemed
Yûsuf Mihemed

Hewlêr (Rûdaw) – Serokê Parlamentoya Herêma Kurdistanê Yûsif Mihemed dest ji peywira xwe berda.

 

Endamê Tevgera Goranê Yûsuf Mihemed ji wezîfeya xwe ya Serokatiya Parlamentoyê îstifa kir.

 

Piştî ku Tevgera Goranê biryara vekişandinê ji Hikûmeta Herêma Kurdistanê da, Serokê Parlemantoya Kurdistanê Dr. Yûsif Mihemed ku endamê Goranê ye îro di civîna çapemeniyê de destjikarberdana xwe ragihand.

 

Yûsuf Mihemed li Navenda Serekî ya Tevgera Goranê li Silêmaniyê civîna çapemeniyê li dar xist û ragihand ku wî dest ji wezîfeya xwe kişandiye û got heya vê dawiyê wî her berevaniya dadperweriyê kiriye.

 

Serokê Parlamentoya Herêma Kurdistanê Yûsif Mihemed got, xula palamentoyê li ser dû qonaxan parve bûye, qonaxeke asayî û yeka din bi temamî ne asayî û dibêje jî ji ber hin sedem û bi razîbûna Tevgera Goran, dest ji karkişand.

 

Mihemed di heman demê de rexne li Hikûmeta Herêma Kurdistanê girt û got xelkê Kurdistanê di rewşeke zehmet re derbas dibe.

 

Weke tê zanîn berî niha Tevgera Goranê û Komela Îslamiya Kurdistanê biryara vekişîna xwe ji kabîneya Hikûmeta Herêma Kurdistanê ragihandibûn.

 

Yekgirtûya Îslamiya Kurdistanê ragihandibû dê bi merc di nav kabineya Hikûmeta Herêma Kurdistanê de  bimîne ew merc jî divê heta 15ê Çileya 2018ê hinek reform (çaksazî) bêne bicîkrin.

 

Nivîsîn: Aydin Bayram


   

 

 

4047

 

Berpirsîyar û karê teknîkî
Redaksîyon
Bahzad Shamsany
Yilmaz Yildiz
Copyright © 2005 bahzani.net
bahzani.kurdi@gmail.com