ب بۆرینا حەفت سالان لسەر جینۆسایدا ئێزدیان…….
ب نێزیکبوونا هەر سالەکێ ژ بیرهاتنا 3ی تەباخێ کو ب هیچ رەنگەکی ناهێتە ژ بیرکرن کو ئەڤە بوونە 7 سال لسەر بۆرینا جینۆسایدێ ئەوا کو هەتا نهۆ ددلێ مەدە مایی دەما ئەو داعشێن هۆڤانە هێریش ئیناینە سەر شنگالێ و دەوروبەرێن وێ ود ئەڤێ کارەساتا دویر ژ مرۆڤایەتیێ ب هەزارن پیرەمێر و خۆرتێن مە بن ئاخ کرن و کەچ دایکێن مە ل سووک و بازاران فرۆتن و ب زۆری زمانێ دایکێ ژ سەرێ زارۆکێن مەیێن سڤیل و بێ گونەھ ئینانە دەرێ و فێری چەکی و کارێن تیرۆری کرن و ب هەزاران زارۆک ژ برسا و تهنا ل چیادە گیانێ خوە ژدەستدان و ب هەزاران مال و ملکێن خوە هێلان و بەرەڤ باژێرێن کوردستانێ چوون داکو خۆ ژڤێ زلم و زۆرداریا ژ لایێ رێکخراوا تیرۆرستێن داعش رزگاربکن و هەروەسا ئەز ب ناڤێ خەلکێ خۆ سوپاسیا دەڤەرا بادینان دکم کۆ ل ئەوێ کارەساتێدە ب ئەرکێ خۆیێ مرۆڤایەتی و کوردپەروەری دەستێ هاریکاریێ بۆ خەلکێ مە درێژکرن,
بەرامبەر ڤێ هێریشا تیرۆری و هندە مەزن و دژوار کو ب سەرێ ئێزدیان هاتیە ژ کوشتن و ئاوارەبوون و رەڤاندن و مال وێرانکرنێ و لدیڤ وان راپورتێن بەردەست و ئەوا دپێش چاڤ ژئالیێ حکومەتا عراقێ و جڤاکێ نیڤدەولەتی و رێکخراوێن مافێ مرۆڤیڤە تشتەکی گرنگ نەهاتیە کرن کو ئەڤ خەمە لسەر ئێزدیان بهێتە کێمکرن , هەروەسا هەتا نهۆ حکومەتا عراقێ ب ئەرکێ خۆ نەرابوویە بۆ ڤەگەراندنا ئەو رەڤاندیێن دەستێ داعش وهەروەسا شنگال و دەوروبەرێن وێ ئاڤا بکەت, وهەروەسا کارنە کریە بۆ ناساندنا وێ وەک جینۆساید
بەلێ ژ ئالیێ خوەڤە حکومەتا هەرێما کوردستانێ ل دیڤ شیان هاریکاریا بەرکەفتێن ڤێ کارەساتێ کریە کو نڤیسینگەها کاروبارێن رەڤاندیا ئەوا ژ لایێ سەرۆکێ حکومەتا هەرێما کوردستانێ هاتیە دانان هەمی پێکۆل کرینە ب رێکێن جودا جودا کو هەتا نهۆ شیایە بتر ژ 3200 کچ و ژن و زارۆکان ژ دەستێ تیرۆرستێن داعش رزگار بکەت و هەروەسا ژبلی ئەڤێ چەندێ کەمپێن ئاواران و هەمی خزمەتێن ساخلەمیێ و پەروەردێ و ئاڤ و کارەب بۆ دابین کرینە , و ئەڤە حەفت سال بۆرین و هەتا نهۆ خەلکێ مە ل ناڤ کەمپاندە ژیارەکە بزەحمەت و دژوار دبنە سەرا و ل هیڤیێنە کو رەوشا شنگال نۆرمال ببیت و ڤەگەرنە جھ و وارێن خوە.
