(عادل يبن مهدي) زين تعرف زين
شـعبك منظلم هالصارله اســــنين
چنت اوبالحكم .. تدري العـِـلـَـل وين
الباع الموصل زين اتعرفه ، الباع الموصل زين اتعرفه
حكمه ابحق اولا تعفيه
***
(عادل يبن مهدي) بالقضاء انخـِـل
ميـزان العـَـدل وانـريـدَه يتعـَـدَّل
القاض التـِـعـَينـَه ابشـَـرْعـَـه مايهمل
(مـَـدحت) قـيلـَه اوخـَـلـّـص شـَـعبك ، (مـَـدحت) قيلـَه اوخـَـلـّـص شـَـعبك
يحمي المجرم وايبريه
***
شـَـعبنه هاليدور بالزبالات
يمشي عَ النفط ياكل افضالات
يترَجـَّه الينقذه امن الحثالات
شـَـعب اعراقي ايريد الخبزه ، شـَـعب اعراقي ايريد الخبزه
شايل جوعه ابچـَـفـَّـه ايثور
—————————————————–
ســـــــــــتوكهولم